Токио-2020 Олимпиадасы келесі жылға шегерілді

Жапонияның премьер-министрі Синдзо Абе Халықаралық Олимпиада комитетінен жазғы Токио Олимпиада ойындарын коронавирус пандемиясына байланысты кейінге қалдыруды сұрады. ХОК осыған келісім берді, – деп жазды ҚазАқпарат BBC агенттігіне сілтеме жасап. Синдзо Абе Олимпиада тоқтатылмайтынын, тек уақыты шегерілетінін мәлімдеді. Оның айтуынша, ендігі Токио Олимпиасы мен Паралимпиада ойындарын коронавирусты жеңісі ретінде өткізілмек. Жапония премьері Олимпиада өтетін мерзімді нақты жарияламады, оның айтуынша ол 2021 жылдың жазынан бұрын өткізілмейді.